விடுதி வாழ்க்கை

எங்கோ பிறந்து எங்கோ வளர்ந்து

ஒரே குடும்பமாய்

வாழ்கின்றோம் விடுதியிலே;        சூரியன்உதிக்கிறது தினமும்

பூமியை நோக்கி-அதுபோல

எங்களின் எண்ணமும் உயர்கிறது

எங்களின் வீட்டைநோக்கி;

கண்ணீருடன் காலையில் எழுந்து,

அவசர அவசரமாக 

மணி அடிக்கும் முன் குளித்து,

கசப்பான காலை உணவும்,

கண்ணீர்த்துளிகளால் இனித்திடும்!

விடுதியின் சுவர்களும் விதிமுறைகளும் என் சுதந்திரத்தை பறித்து விட;

எண்ணி தட்டிக்கொடுக்க 

நண்பர்கள் கிடைத்திட;

அதுவும் எனக்கு புதுவிதமாய் மாறிட!"

அப்பொழுதுதான் தெரிந்தது"

என் சுதந்திரம் பறிபோகவில்லை..என்று

அது என் நண்பர்கள் வடிவில் என்றும் என்னோடு இருக்கிறது என்று;"

சில கசப்பான அனுபவங்களும் 

வாழ்க்கையை மாற்றும் தருணங்களாய் மாறிட; 

சில மறக்க முடியாதநிகழ்வுகள் வாழ்வில் மாறாத

 நினைவுகளாய் தங்கிட;

வழிசெய்வதும் இங்கேயே தான்;

இரவு படிப்பும் இனிப்புப்பண்டங்களான படிப்பாக மாறுவதும் ,

அறையில் யாரும் இல்லாத வேளையில் தனியாகதின்பண்டங்களை 

தின்னும் வேளையில் நண்பர்கள் வந்து

மொத்தமாகஅப்பித்தின்னும்

சிரிக்கக் கூடிய சம்பவங்களும்

 நடப்பதும் இங்கேயே தான்;

நண்பனுக்கு உடல்நிலை சரியில்லை என்று அதுதான் காரணமென,      விடுப்பு போட்டு அவனை சீண்டும் 

சில கிறுக்குத்தனமான நிகழ்வுகள் நடப்பதும் இங்கேதான்;

விடுதியில் இருக்கும் போது விருப்பமே இல்லாமல் கவலையுடன் தங்குவோம்;

ஆனால் விடுதியை விட்டு பிரிகையிலே! விருப்பமே இல்லாமல் தாங்க முடியாது துயருடன் இணைபிரியா தோழர்களுக்கும் பிரியாமல் பிரியாவிடை கொடுப்போம்;

விடைதெரியாமல் ‌விடைதேடிக்கொண்டே?........... இறுதியில்

 மனதில் விதையாய் மாறிவிட்டதே ! இந்த விடுதியின்வாழ்க்கை