பசியின் கொடுமை தெரிந்திருக்க முடியுமா
தன் பிள்ளைகள் கேட்காமலேயே
தாராளமாக கொடுக்கும் பெற்றோர்களுக்கிடையே
தரமுடியாது என தயங்கி சொல்லும் பெற்றோர்களின் மனசு தீப்பற்றி எரிவதாவது தெரிந்திருக்குமா
ஆளே இல்லாத வீட்டுக்கு காவல் போட்டு அதை விருந்தினர் என்று சொல்பவர்களுக்கு அந்தி மறையும் நேரத்திலேயே ஆதவனையும் சந்திரனையும்
உறவுகளாக வைத்து
சாலை ஓரத்தில் நிரந்தர விருந்தினராக தங்கும் அவலநிலையாவது தெரியுமா
உடுத்தும் உடையில் உலகை மறந்து கவர்ச்சிக்காகவே வாழ்பவர்களுக்கிடையே உடையின்றி கவர்ச்சியாகவே
உலகில் திரிகிறார்கள் என தெரிந்திருக்குமா
மூன்று வேளை உணவு உண்பவர்களுக்கு ஒரு வேளை உணவின் அருமை தெரிந்திருக்க முடியுமா
இதை அனைத்தும் தெரிந்த ஒருவனுக்கு வாழ்வின் சாபக்கேடு வறுமையென தெரிந்திருக்குமா
வயிறு பற்றி எரியும்போது
வாழ்வே நரகமாய் இருப்பதை உணர்ந்திருக்க முடியுமா
அப்படி உணர்ந்திருந்தால்
மனிதனைவிட இவ்வுலகில் மிகப்பெரிய அரக்கன் ஒன்று உண்டு என தெரியாமலிருக்க முடியுமா
அப்படித் தெரியாமலிருந்தும்
புரியாமலிருக்க முடியுமா
அப்படி புரியாமல் இருந்தால்
உன்னை நோக்கி ஓர் அரக்கன்
சிரித்துக்கொண்டே வருவான்
உன் மரணம் வரையில்........!
அவன் தான் மனித வாழ்வின் கொடுமையின் தலைவனான
வறுமை!!!!!
அருமை உங்கள் கருத்து வறுமையின் நிறத்தை மேற்கோள்காட்டி பேசுகிறது.
பதிலளிநீக்கு