போராட்டம்

   வாழ்க்கை தினமும் ஏதோவொன்றுக்கு எதிராக போராடுகிறோம் இதோ அதை பற்றிய வரிகள்

விண்மீன்கள் பூமியின் மீது விழாமல் இருக்க போராடுகின்றன!

பூமியானது சூரிய குடும்பத்தில் இருந்து விலகாமலிருக்கவும்;

சூரியனானது காலையில் குளிராமலிருக்கவும்;

சந்திரனானது இரவில் வெப்பத்தை கொடுக்காமலிருக்கவும்;

மேகங்களும் மழையாய் கரையாமலிருக்கவும்;

மழையும் வீணாக கடலில் கலக்காமலிருக்கவும்

கடலும் தன் உப்பின் தன்மையை அதிகரிக்காமலிருக்கவும்;

உப்பானது தன் வெண்மையை குறைக்காமலிருக்கவும் போராடுகின்றன!

பெரிய உயிரினங்கள் உணவுக்காகவும்

 சிறிய உயிரினங்கள் உணவாகமலிருக்கவும் போராடுகின்றன!

கண்ணின் இரு விழிகளும் எப்பொழுதும் உறங்காமலிருக்கவும்

உறக்கம் வரும்போதெல்லாம் கண் இமைகள் திறக்காமலிருக்கவும்;

சிலர் வாய் திறந்து பேசாமல் இருக்கவும் போராடுகின்றனர்;

பலர் பேசாமலே பேராசையுடன் பிறரை எப்படி வீழ்த்தலாம் எனவும்;

பேராசை கொண்டவர்களிடமிருந்து எவ்வாறெல்லாம் பணத்தை பிடுங்கலாம் என ஆதிக்கம் கொண்டவர்களும்;

ஆதிக்கம் கொண்டவர்களிடமிருந்து எப்படியெல்லாம்; 

ஏமாற்றலாம் என படித்தவர்களும் போராடும் வேளையிலே!

எதுமே அறியா பாமர மக்கள் மட்டும்

உலகில் உயிரோடு வாழவே போராடுகின்றனர்

தினமும் துன்பங்களுக்கு எதிராகவும் ;

பசியை நண்பனாகவும்;

 நண்பர்களை துணையாகவும்; 

நோயினை இன்பமாகவும் ஏற்று !போராடிக்கொண்டே இருக்கின்றனர் 

பாடுபட்டு உழைக்கும் 

அப்பாவி உயிர்களாக...........!